मिलन शर्मा दनाई
बेसीशहर, असार १२ । लमजुङकाे क्व्होलासोथार गाउँपालिका-७ तल्लो चरागाउँमा चट्याङका कारण एक जनाकाे मृत्यु भएकाे भन्ने खबर सत्य नभएकाे प्रहरीले जनाएकाे छ ।
विभिन्न सञ्चार माध्यम र सामाजिक सञ्जालहरूमा गएराती परेकाे चट्याङ लागेर तल्लाे चरागाउँमा एक जनाकाे मृत्यु भएकाे भन्ने खबर सार्वजनिक भएकाे थियाे । तर प्रहरीले भने मृत्यु भएका भनिएका ब्यक्तिकाे हृदयघातका कारण मृत्यु भएकाे जनाएकाे छ । चट्याङका कारण मानिसकाे मृत्यु भएकाे भनि खबर पाएपछि प्रहरी घटनास्थलमा पुगेकाे र प्रहरीले बुझ्दा उनकाे मृत्युका कारण हृदयघात भएकाे पाइएकाे जिल्ला प्रहरी कार्यालयका प्रहरी निरीक्षक मेघनाथ चापागाइँले जानकारी दिए ।
घटनास्थलमा चट्याङ परेकाे र शबमा पनि चट्याङ लागेर मृत्यु भएकाे कुनै संकेत नदेखिएकाे चापागाइँले बताए । उनका गएराती २ बजेतिर भुजेलकाे घर भन्दा करीब ७ सय मिटर पर चट्याङ परेकाे र वरपरका घरहरूमा बिजुलीकाे मिटरकाे एमसिभी झरेकाे पाइएकाे छ ।
भुजेललाइ हृदयघात हुनु र चट्याङ पर्नु एकै समयतिर भएकाे हुन सक्ने तर उनलाइ चट्याङ भने नलागेकाे गिलुङ प्रहरीलाइ उद्धृत गर्दै चापागाइँले बताए ।
